Milipuko katika Bahari shamu ililazimisha meli mbili zilizobeba vifaa vya kijeshi vya Marekani kubadili mkondo wakati zikijaribu kuvuka Mkondo wa Bahari wa Bab al-Mandab nje ya Yemen, chini ya ulinzi wa Jeshi la Wanamaji la Marekani.
Maersk ilisema katika taarifa kwamba itasitisha usafirishaji kwa kutumia meli za kampuni yake ya Marekani katika Bahari ya shamu.
Msemaji wa vikosi vya jeshi la Houthi nchini Yemen alithibitisha kuwa makombora ya balistiki yalirushwa kwa meli kadhaa za kivita za Marekani ambazo zilikuwa zikilinda meli mbili za kibiashara za Marekani zinazosafirisha bidhaa za Idara ya Ulinzi, Wizara ya Mambo ya Nje, Shirika la Maendeleo ya Kimataifa la Marekani na serikali nyingine zilisema
Alisema kuwa vikosi vya Yemen vilipambana na na meli za kivita za Kimarekani katika Ghuba ya Aden na Bab al-Mandab huku wakizilinda meli mbili za kibiashara za Marekani, na meli ya kivita ya Marekani ilioshambuliwa moja kwa moja.
Maersk ilisema kuwa meli na wafanyakazi wao hawakujeruhiwa, na kwamba Jeshi la Wanamaji la Marekani lilikuwa likiandamana nao hadi Ghuba ya Aden.
Mashirika ya wafanyakazi wa baharini ya Marekani yalielezea wasiwasi wao kuhusu athari za mashambulizi dhidi ya meli zinazopeperusha bendera za Marekani, na kueleza yale waliyokabiliwa nayo hivi majuzi kama shambulio lenye athari kubwa zaidi kwa wanamaji wa wanaolinda meli za Marekani za kibiashara katika zaidi ya nusu karne.
Vikosi vya Houthi vilisema kuwa vitaendelea kuzuia safari za Israel au zile zinazoelekea kwenye bandari za Israel hadi vita vitakapokoma na kuzingirwa kwa Gaza kusitishwa.
Kwa mujibu wa vyanzo vya jeshi la Houthi, jeshi la Yemen lilifanya operesheni 15 za majini zikilenga meli 18, zikiwemo meli tatu zinazomilikiwa na Israel, meli tano za Marekani, na meli 10 zilizoelekea Israel.
Tangu tarehe kumi mwezi huu, vikosi vya Yemen pia vimelenga meli sita za Marekani kujibu mashambulizi ya Marekani dhidi ya boti tatu za Jeshi la Wanamaji la Yemen, na matokeo yake wanajeshi kumi wa Jeshi la Wanamaji la Yemen waliuawa.
