Selena Gomez ameonyesha nia ya kuelekeza nguvu zake zaidi kwenye uigizaji kuliko muziki, akisema uigizaji ni sehemu anayojihisi kuiweza zaidi. Akizungumza na Saoirse Ronan kupitia Variety's Actors on Actors, Selena alisema, "Uigizaji ndio nguvu yangu kuu, lakini ninaipenda sanaa ya muziki kwa sababu inanipa nafasi ya kusimulia hadithi zangu."

Hata hivyo, Selena alikiri kuwa huenda asiendelee kuwa staa wa pop kwa muda mrefu, akisema, "Nafurahia awamu hii mpya ya maisha yangu; kwa namna nyingi, ni mwanzo mpya."

Ingawa ameonyesha kupenda uigizaji zaidi, Selena alisema muziki utabaki kuwa sehemu ya maisha yake kwa sababu ya mchumba wake, Benny Blanco, ni mwanamuziki maarufu. "Nitakuwa na muziki maishani mwangu kila wakati, lakini labda si kama kazi yangu rasmi," alisema.

Selena pia aligusia filamu yake mpya, Emilia Perez, na kusisitiza jinsi anavyopenda kusimulia hadithi kupitia uigizaji, akionyesha kuwa anaelekea zaidi kwenye fani hiyo.