Bw Koroma, ambaye aliachiliwa kwa dhamana siku ya Jumamosi, amekuwa katika kizuizi cha nyumbani na kuzuiliwa kutembea.
Rais wa zamani wa Sierra Leone Ernest Bai Koroma ametangazwa kuwa mshukiwa wa uchunguzi unaoendelea kuhusu jaribio la mapinduzi ya mwezi uliopita.
Bw Koroma, ambaye aliachiliwa kwa dhamana siku ya Jumamosi, amekuwa katika kizuizi cha nyumbani na kuzuiliwa kutembea.
Inspekta Jenerali wa Polisi William Fayia Sellu Jumanne alisema kuwa Bw Koroma hayuko chini ya ulinzi wa polisi kwani polisi "wanampa heshima anayohitaji kwa sasa". "Hiyo haimaanishi kuwa hawezi kuchukuliwa hatua za kisheria," Bw Sellu aliongeza.
Alisema kuwa washukiwa 80 wako chini ya ulinzi wa polisi, miongoni mwao wakiwahudumia na kufukuzwa kazi maafisa wa jeshi, maafisa wa polisi wanaohudumu na waliostaafu, raia na afisa wa urekebishaji.
Binti ya Bw Koroma, Dankay Koroma, pia ametajwa miongoni mwa washukiwa wengine 54 waliotangazwa katika orodha iliyotolewa na polisiJumanne huku uchunguzi ukiendelea.
Serikali imeahidi zawadi ya pesa kwa yeyote atakayesaidia kwa taarifa kuwakamata washukiwa wakiwa mbioni.
Bw Koroma wiki jana alisema kwamba "ataamini mchakato unaostahili na sheria itatawala". Wakati huo huo, Ecowas, muungano wa nchi za Afrika Magharibi, umeidhinisha kutumwa kwa wanajeshi nchini Sierra Leone.
