Mtayarishaji wa muziki, Bobmanecky, ameelezea furaha yake kuhusu wimbo mpya wa Mbosso uliotolewa Januari 10, 2025. Akizungumza kupitia mitandao ya kijamii, Bob alitaja jinsi vipengele vya muziki vilivyo ndani ya wimbo huo vinavyovutia, akisisitiza mchango mkubwa wa mtayarishaji Lizerclassic

"Ukiacha ule M'string na Guitars, kuna Dufu kama sio dufu la bwana Lizerclassic inakuja Pad smoothly," aliandika Bob, akionyesha namna uzalishaji wa muziki umejipanga vizuri. Pia alitaja mistari ya Mbosso kama ya moto, akibainisha kuwa alipoimba, "kama kupenda ndo huaga hivi me mwenzenu uchizi naugulia," ilikuwa ni sehemu ya kipekee ambayo iligusa hisia za wasikilizaji.

Pia, Bob alisisitiza ubora wa wimbo huu, akisema kuwa chorus ya mwisho, inayojumuisha milio ya violins, ilikuwa iliongeza ladha ya kipekee kwenye wimbo. Bob hakusita kusema kuwa Mbosso amefanya kazi nzuri kwa kushirikiana na Lizerclassic, na alikiri kwamba wimbo huu umejaa ubora wa kipekee.

Kwa ujumla, Bob Manecky alionesha wazi furaha yake kwa wimbo huu na kuonyesha kuwa ni moja ya kazi bora kwenye soko la Fleva kwa sasa.